Sir頭去昂平三轆鈐

三月十五日,天朗氣清,全家一行五人(包括阿姨及姨丈),
一齊去搭纜車,Sir爸都去挑戰自己極限!!(畏高症呀大佬)

坐上纜車,我居然完全冇事,同海洋公園完全兩回事!!
(都幾定喎!),我仲可以係架纜車內影相同企起身週圍
行!(我坐海水公園個架,全程緊握扶手,連條扶手都濕晒)

去到昂平市集,Sir頭到到都唔睇,淨喺同呢隻嘢影相!!

(因為呢隻嘢係買雪糕"枝啦逃"吖嗎!!雪糕佢最愛),之后去咗大澳行一轉
加午飯,(但冇影相,因啊Sir頭勁扭計),回程時到大佛一行,阿Sir居然訓着咗!
呢個時候又係發揮我無限父愛嘅時候,我抱住阿Sir上大佛樓梯!! 嘩!上咗
三份一己經開始冇氣,頂硬上上到一半,Sir媽話佢嚟接手,點知接完手佢就
醒咗!(早知早D轉手比老婆,唔使咁索氣!! 之后係大佛週圍影影相,叫做
到此一遊啦!!

返東涌時去行東薈城個outlet, 把鬼!!屋企樓下減價仲多個佢!!返九龍食晚
飯,去咗佐敦"澳洲牛奶"食茶餐,(因阿Sir頭鐘意食炒蛋),不過今日個餐有D失
準,個通粉好咸呀!!好彩其他冇問題,我仲加多件鮮油多潻!!返屋企途中阿
Sir已經揾呀周公個仔玩啦!!哈哈!!