九州の旅自駕遊----第一天

2010年2月13日:
朝早四點半鐘,起身準備出發,要叫醒大小姐,好彩六點準時到機場,搭東方
航空08:00去上海!!(好奇怪呢!!點解要去上海,因為香港飛福岡冇直飛,CX嘅都要停
台灣再飛,而且機票要$6xxx一張,我坐東航只要$2300,仲要到福岡時間差唔多一
樣)註1,不過到上海就要呆坐6個鐘先再飛福岡(因為担心坐中午機去上海會delay,
上海成日中午時段都會航空管制!!)好!出發!!!

到咗上海,食咗個唔好食但好貴嘅午餐,仲送咗個新年玩具比恩豬玩!!

終於等到可以再上機,真係等到呆呆地!!

機程個零鐘,食個飛機晚餐,嘩!!鰻魚飯呀!!可能上海飛福岡係同JAL聯航,所以
D嘢食都好D掛!!

終於都到福岡啦!去排隊過海關時終於都証實我同老婆講嘅嘢啦!!全架機得我地一
家三口加前面一個哥哥仔係香港人,所有人都排日本人隊呀!!
攞完行李,出咗大堂我諗呢嗰係指定動作喇掛!!

再嚟指定動作第二,搭穿梭巴士去國內線大樓轉地下鉄出博多市啦!!其實好快,只
係兩個站就到博多,先到酒店Hakata Green放低行李,再去車站附近開餐先!!

可能太肚餓嘅關係,個餃子食咗一半先記得影相呀!!哈哈!

食完嘢都差唔多11點,返酒店早D訓,聽朝9:30約咗去Toyota攞車,開始我哋九州自駕
之旅!!

註1:其實上海每日(好似係)有兩班機去福岡:早上十點幾及晚上六點幾,不過由香港
到上海最早到達都要十點幾,所以除非早一晚到上海,唔係搭唔到早班機!!