經過半年時間資料搜集及編排行程後,東北之旅終於要出發啦!!我地一行六人搭東方航空經上海去福島(要停一晚,因上海出發去福島一星期只有兩班,都係朝早九點幾起飛)其實都好,可以帶呀女去參觀"中國館"
飛機都算準時起飛(遲咗十分鐘啦)!!搭咗咁多次東航,今次終於有雪糕食,仲要係"Haagen-Dazs"呀!!幾驚佢比"珠江橋牌" 我呀!!哈哈哈!!
到上海即時到酒店Check-in先(住機場酒店!!),再同團員一齊搭 "磁浮列車" 出市區去參觀中國館!!
今次搭 "磁浮" 比我上一次更快........430Km呀!!!
到咗中國館門囗售票處先發現下午4:00停止入場!!大佬,上網睇淨係寫5:00收工,又冇寫4:00停止入場!!睇吓隻錶3:50,再睇吓由售票處行去中國館入囗
嘩!起碼1-2Km!!得十分鐘點行呀??但係睇吓售票處D人依然排隊買飛,晤理咁多,買飛照跟!!買完之後大家都係向同一方向做同一動作 "渣打馬拉松"!!
呀女話無力!!要我抱住佢跑,天呀!!我嚟旅行咋,點解咁對我呀...................!!
跑跑吓望返後面!!仲有好多人行緊嚟!!唔係啦,停停影吓相先!!
終於都跑到去門口,影多張相先!! 嘻嘻!!
入到去睇咗個短片講中國人由五,六十年代至現在嘅變化,都可以一睇嘅!!嚟得中國館當然唔少得要睇吓鎮館之寶 "清明上河圖"!!
嚟到上海當然要食吓小籠包啦!!我地去咗城堭廟食o野!!嚟到嘅時候心知不妙!!周圍嘅招牌都好光,但係D鋪全部收晒工嘅!!心諗頭先跑餐死,而家嚟到呢道又冇o野食!!旅行第一日唔係咁黑仔呀??
好彩嚟到 "南翔饅頭店" 呀店小二哥話今日年三十晚,營業到7:00係食就快D叫啦!!
食飽飽原先諗住去外灘影吓相,但係阿七姨公話有少少唔舒服,同埋大家又箸唔夠衫,都係取消行程返酒店啦!!早D訓聽朝一早09:25飛機去日本啦!!好野!!
待續..........!!
沒有留言:
張貼留言