日本東北樹冰の發見自駕樂悠遊!!----第三天part two

2011年2月4日

拜拜大內宿之後一路上都好似下面張相咁,落雪呀!!

原本行程會去"喜多方"食麵!!但係之前玩耐咗,如果宜家去食麵,

就冇時間去"米澤"食牛牛啦!!綜合各人意見,(其實我話事就真!!

哈哈!!)決定經過"喜多方"就算,叫做到此一遊,直去"米澤"啦!!!


之前睇咗好多人嘅Blog都係去"登起波"或"黃木"食牛牛,想試吓

另外嘅選擇!!係日本人嘅揾食網站 揾到呢間食米澤牛都OK!!一

於去試試!! 米澤牛Dining

好彩1點45分到咗!!佢地2點就Last Order啦!!試咗炭火燒和牛!!

佢地有午餐架,比正價平差唔多一半!!正

呢份係薄切!!

再嚟厚切加香腸!!

厚加薄切各叫2份,再追加海鮮!!

先嚟原隻魷魚!!

再嚟大蝦!!

後上帶子!!

燒啦!!食呀!!

其實有樣嘢諗唔明??點解原隻魷魚會平過三條香腸??唔通D香

腸係和牛整嘅??食飽飽出發去今次旅程重點項目

"藏王樹冰"啦!!

去到藏王溫泉先到旅館Check-in先 和歌（うた）の宿

原來旅館有九折纜車票賣!!又慳返D!!

到纜車站只不過5點多D,已經天黑啦!!

上山頂要搭兩次纜車,第一程興奮得滯唔記得影相,下低

呢張係第二程嘅纜車!!

上到第一站"樹冰高原站"已經凍到........

再到第二站"藏王山頂站"凍到呢.........

究竟睇樹冰時係點樣!!睇part three啦!!

待續.........