日本東北樹冰の發見自駕樂悠遊!!----第五天part two(回憶美麗的東北)

當大家睇到我同呀七姨公大啖食咗幾隻生蠔之後,

按捺不住嘅食慾即時大爆發.....買呀!!食呀!!

手掌咁大嘅帶子￥1,000 5隻!!喺你買嘅時侯你只要同呀檔主

講:ya ki(即係燒)或sa si me(刺身)佢地就會幫你攪啦!!(因場外有

專人幫你炭燒好再送到比你!!)

比我發現即開"海膽"!你仲走得去邊呀!!哈哈哈!!

之後再有以下:

再嚟"毛蟹"!!好好味!!食咗兩大隻呀!!

我地食咗唔記得幾多隻帶子(最少20隻)加埋所有海鮮,五大一小

居然一個"早餐"食咗差唔多￥40,000!!

嘩!!三千幾蚊港紙呀大佬!!呢餐都算係"最豪早餐"啦!!

呢個就係幫我地燒嘢食嘅地方啦!!

食飽之後,"蝗蟲部隊"發現市場外有水果批發店!!進攻呀!!呢盒

青森縣產"巨峰提子"一盒有七包,初初問呀檔主幾錢?佢用計數

機按￥1,000!!我地以為１包啦!!跟住我地繼續"雞同鴨講"一輪

之後......!!終於明白.....!!

係￥1,000 一盒呀!!(唔洗$100港紙)大佬呀!!平時喺SOGO一包

最小都要七至八十蚊啦!!唔洗諗.....買!!跟手再買多個溫室密瓜

￥1,500再加一袋密柑￥300及士多啤梨￥500!! D士多啤梨大

個阿sir手掌呀!超甜!

(溫室密瓜當晚宵夜補映嘅)

part two完!!



待續!!