日本中部及北陸の旅自駕遊2014年1月29日---Day 2.1

今早未夠六點就起咗身(香港時間仲未

夠五點呀!!)sir爸嘅遊日興奮症候群又發作!!睇住慢慢天光,再叫醒sir媽及阿sir,八點未夠落樓下食個簡單早餐(仲有NHK嘅晨間劇睇添!!)真係好簡單嘅東橫inn早餐!簡單到連相都冇影!

好!!出發第一站!!日本海さかな街

嚟呢道再食多個海鮮早餐!! 可能我地太早嚟(未夠九點)成個市場得我地七條友行街!!哈哈!!

花多眼亂加上團友們有特別要求(要食熱蟹,因為場內嘅熟蟹都係凍嘅)所以揾咗好多檔先揾到!!再加一盒蝦刺身!!第一Round開始!!

K.O.完第一Round之後,再揾市場內嘅一間食店仔再食第二Round(相內嘅店主真好嘢)由招呼客人,落單,洗嘢,煮嘢都係佢一個人攪掂!!)

呢碟不知名嘅炸魚,非常之好味,即叫即做!!我地食咗3,4碟!!

生蠔都每人K.O.兩隻!!其他嘢食及刺身都好味!!

講都唔信,咁樣食一食居然食咗兩個幾三個鐘,拿拿淋買Ｄ生果上車出發去第二站啦!!-----氣比神宮!!

未完!!待續!!