由河原町搭阪急電車約一小時就到池田駅, 我地Ｄ戰利品
太多,喺池田駅內揾個最大locker放低Ｄ嘢先!!
由呢個出口出,向左手方向直行,見到右手有觀光案內所右
轉直行5-8分鐘,就見到"日清安藤百福發明紀念館"
因為仲未食午餐,所以揾地方食嘢先!!(係呀!!又食嘢啦,啱啱掃
完街市,一個鐘左右又食,個肚都唔知乜構造!!哈哈)
阿Sir又話想食拉面,但Sir爸想食炸豬扒,OK!!兵分兩路
Sir媽同阿Sir去食拉面,Sir爸去食炸豬扒!!
佢哋去食一風堂!!(冇影相,由Google借圖一用)
Sir爸就去附近呢間食炸豬扒(都係冇影相,由Google借圖一用)
叫咗個午餐炸豬扒套餐130g,再加隻炸蝦!!
叫返碟嚟試吓先!!
真係食飽飽啦!!揾返Sir媽同阿Sir再向前行5分鐘左右,就到
目的地啦!!
地下左手面為接待處預約咗整雞湯面嘅要喺呢處報到
攞咗個號碼牌先!!(呢個館有兩個体驗活動,一個係整杯面,
另一個係整雞湯面)
其實整杯面嘅較為簡單,只係$300円買個杯面杯,自己攞去
畫圖畫,然後會有專人幫你加面及材料,包好後比返你!!
因為日清之前喺香港都有舉辦過一樣嘅活動,同阿Sir一人
整咗一個喺屋企!!所以今次唔玩呢個,玩另外一個整雞湯面!!
要玩呢個体驗,通常要兩至三個月前喺佢地嘅網站預先登記
(即場想玩機會率冇乜!!因為每日最多只有三至四節,每節最
多48人,仲要唔係日日都開班)大人$500円,小學生$300円!!
而地下嘅另外一面,就有一幅貼晒所有杯面嘅牆!!(其實都唔知
係咪得咁小,我覺得應該仲有好多款冇貼)
仲有一面喺重建咗當年日清創辦人:安藤百福先生喺現在呢
個地方(現在池田呢間發明館嘅地方,就係以前安藤先生住及
發明第一個即食面嘅地方!!)住所嘅1:1模型屋及發明即食面
所用嘅工具!!
題外話:原來安藤百福並唔係日本人,佢係台灣人嚟架,佢二十
歲左右(1932年)先由台灣嚟大阪創業,先係做針織業,到二次大
戰時,佢嘅公司被炸毀,佢再轉行做制鹽,二戰結束後,日本要求
所有外來人決定要揀入日本籍定原居地國籍,佢自己揀入日本
籍及將自己原本嘅名"吳百福"改為佢第三任妻子"安藤仁子"
嘅姓氏,命名為安藤百福!!
之後佢將政府派嘅援助物--小麥粉(政府叫佢哋整面包)佢自己
唔喜歡做面包,於是自己研究做Ｄ可以容易煮食,及存放得耐唔
易變壞嘅面條,就係咁樣,世界上第一個即食面就誕生咗!!
題外話完!!
未完!!
待續!!
沒有留言:
張貼留言