從未諗過放低我屋企兩個老細自己去旅行,咁啱有日同舅公及
七姨公傾開計話好耐冇去過東京,點知就係咁簡單,加上Sir媽
又話冇問題,咁就有咗呢次快閃麻甩四日三夜紅眼航班遊啦!!
9月11號收工嗱嗱淋去機場搭晚上七點機飛東京羽田啦!!
落機嘅時候,所有出市區嘅交通工具都已經冇晒(只有的士)
好在羽田有定額運賃嘅的士方便我哋呢Ｄ冇路可走嘅深夜
旅客!!(三條友除開都有數圍嘅!!)
Sir爸已經有十年冇嚟過東京啦,而羽田空港更加係第一次嚟,
(其實Sir爸仲係"做仔"嘅時候,已經係東京嘅常客,不過次次都
係飛成田啫!!)
坐到出池袋酒店攞埋房,當然要去食返個深夜"夜嗚"(宵夜)啦!!
零晨兩,三點食Ｄ咁嘅嘢都係第一次!!
本日完!!
沒有留言:
張貼留言