2016年山陽山陰合家歡自遊自駕行----Day 1b

2016年山陽山陰合家歡自遊自駕行----Day 1b

第一目的地,係神戶嘅麵包超人樂園, 嚟到嘅時候,可能今日係

星期六,露天嘅停車位爆滿,只有室內嘅有位(想要係日本租十

人車嘅朋友,租車公司嘅豪華版十人車通常都係高於2M,只有

普通版嘅係2M高以下!!仲要唔一定有車租!! 但係普通版嘅車

嗰Ｄ坐位,係好難坐架,要團友坐足8日,真係幾難頂架!!)

咁司機當然係喺門口等車位, 團友入去玩住先啦!!

都好彩唔洗十幾分鐘就有位泊, 又入去玩啦!!(係呀!上年

已經嚟過一次啦!!)

 入到嚟又玩又買又係食, 小朋友就最開心!! 

天黑晒啦!! 又係時間食晚餐, 但係大家食得太多,未有空位食

住, 所以都係返酒店先,今晚我地住喺神戶東横INN神戸三ノ宮2

酒店停車場唔夠高, 唯有揾街嘅泊車位泊啦!!

咦!!係喎, 未食晚餐喎, 好彩酒店附近有間"daiei 超市" 我地

入去掃Ｄ貨, 諗住返酒店開大食會(老人家又覺得有Ｄ攰,唔想

再行) 

入到超市,大家目光比生果部吸引住, 嘩嘩聲咁爆買, 咁又係

百幾円一個大過拳頭嘅蘋果, 400円一盒士多啤梨, 又真係忍

唔住要買嘅!!

冇講大話架, 真係大過拳頭!!

買完生果, 再去買Ｄ熟食,壽司,刺身呀!! 再喺附近牛肉飯店

買外賣返酒店食, 一家人熱熱鬧鬧又一餐!! 

本日完!!