今朝一起身, 望吓窗外, 唉!! 仲係落雨呀!! 咁諗住開個電視
睇吓天氣報告啦!! 點知新聞都係講中國人嚟日本爆買, 仲有
新名稱--爆体驗 ( 其實都係講埋我哋啦, 因為我地都係一樣
冇乜分別!! 哈哈)
因為今日係農曆年初二, 入境日本嘅中國人人數應該比較多呢!
入境方法除咗飛機之外, 郵輪都有呀!!
真係好佩服自己, 一早起身可以KO晒以上張相嘅所有食物之
餘, 仲可以再食多一份多士加咖啡!! 勁!!
食飽Check Out後出發去下一景點 --- 天橋立
由城崎到天橋立, 有幾條路可選擇, 咁Sir爸當然揀條最快嘅
嚟行啦!! 點知咁就出事啦, 原來最快嗰條會經過一段山路, 但
係條山路勁多灣, 咁啱團友之中有兩位比較易暈車浪, (平時係
香港, 搭的士都唔多掂!) 唔係讚自己, 全個旅程只有呢段路係
有乘客暈車, 其餘時間都冇事! 所以大家都比個Like呢位司機
大佬架!! 哈哈!!
不過行錯路都有個好處, 就係可以見到比較大嘅飄雪!!
過咗山路之後, 喺京丹後呢個地方, 揾到間百貨超市"mine "
比大家抖吓shopping吓!!
呢間真係好土著嘅百貨, 不過喜歡睇家庭用品嘅Sir爸, 又買
到嘢啦!! 仲有呢期好Hit嘅百力滋呀!!
未完!!
沒有留言:
張貼留言