2016年日本山陽山陰合家歡自遊自駕行----Day 5e

2016年日本山陽山陰合家歡自遊自駕行----Day 5e

離開城崎時,已經點幾啦, 原本安排去鳥取砂丘, 但去今晚入住

嘅岡山, 距離二百幾公里,淨車程都要三個多鐘, 如果再去埋砂

丘, 我諗今晚八,九點都未必到岡山, 唯有取消去砂丘(有借口可

以下次再嚟嘛) 揸車直去岡山啦!!

由於喺城崎大家都掃咗一輪街, 所以冇食午餐啦!! 

Sir爸揸到朝來市嘅SA先停低食個下午茶先!!

以SA嚟計, 味道算唔錯啦!!

食飽後團友們當然又要八掛吓呢個SA有乜嘢買啦!!

之後直奔去岡山嘅酒店啦!!

揀呢間酒店連住兩晚嘅原因, 係因為酒店正對面有間全岡山

最大又最新嘅AEON Mall呀!! 咁Ｄ團友唔驚冇嘢行啦!!

攞好房放好行李後, 兵分兩路, Sir媽帶住兩老加埋姨媽及兩位

小姐去行AEON, Sir爸帶住姨丈及表哥去男人嘅世界啦!! 

唔好諗錯, 係去Bic Cam咋!! (因為喺AEON Mall附近嘅岡山駅

隔離就係Bic Cam啦, 行地下街5-8分鐘就到啦)

買到各人嘅心頭好後, 返回AEON Mall揾返大隊食晚餐, 呢

個時候各人又有選擇困難症啦, 多到唔知食乜好!!

終於又係兵分兩路, Sir媽帶所有大人去食小豆島拉面

而Sir爸就帶晒Ｄ未成年嘅朋友去食 和幸炸豬豬

有兩位小朋友為咗人地Ｄ小禮物, 一定要食兒童餐呀!!

Sir爸同表哥, 當然係食返Ｄ招牌菜啦!!

食飽又買完, 係時候返對面酒店"攪攪豬"啦!!

本日完!!