2016年日本山陽山陰合家歡自遊自駕行----Day 7a

2016年日本山陽山陰合家歡自遊自駕行----Day 7a


今日行程要離開岡山啦, 今晚要返回大阪住, 車程差不多兩百

公里呀!!

咁長嘅車程, 冇理由唔加Ｄ景點睇吓掛!! 橫掂嚟咗咁多次日本,

未正式去賞過花, 咁Sir爸當然要揾個好地方睇吓嘅!!

但係現在二月中都未到, 睇咩花先?? 喺網上一揾, 原來二月係

有梅花睇架, 經過一輪搜集資料, 發現喺岡山附近有一個叫做

神崎緑地公園 裏面有個梅園, 內裏種咗500棵唔同品種嘅梅樹

呢個地方我諗唔係自駕, 應該都冇乜交通工具嚟啦(的士除外)

就係咁, 就開始咗呢個神崎梅花之旅啦!!

到埗後, 喺公園門口一望, 唔係掛, 都冇花嘅??? 雖然知到呢道

每年2月尾3月頭都會有個叫做"太泊梅花節" 但都冇奶油一朵

花都未開掛??(今日係2月12號啦)

門口Ｄ梅花, 棵棵都係咁樣呀!!

一場嚟到, 冇奶油就咁走嘅, 當然再行入去睇吓啦, 因為呢個公

園喺門口位置要再行一段直路先可以見到公園嘅中心位置, 當

我哋行入嚟之後........嘩!! 果然柳暗花明又一村!! 好靚呀!!

原來喺裏面, 已經有差唔多一半嘅梅花開花啦!! 好靚呀!!

成個梅園, 除咗我地一家人外, 數埋都冇５個人, 我地可以慢慢

欣賞慢慢影呀!!

開開心心影咗成個鐘!! 依依不捨之下要離開向下一個景點

出發啦 ---- 池田杯面發明館!!

係呀 !! 又係去整雞湯面呀!! 哈哈!!

未完!!

待續!!