車程個零鐘左右, 到咗行程頭兩日會住嘅地方 -- "京都"啦!
先同大家行吓街先!! 去京都駅對面嘅"Yodobashi"
(到步已經天黑, 冇影門口,所以圖片由Google大神提供!!)
男人行樓下睇電器, 女人同小朋友(其實都唔小啦)去樓上
睇衫買波鞋!! 各取所需!!
買完行完先去今明兩晚住宿嘅"酒店" Check in先!!
(相係第二日朝早喺酒店後停車位補影!!)
放好行李後, 肚仔又打鼓啦!! 去咗二条駅對面嘅"お好み焼・鉄板焼 中々"食晚餐!! 因為預先喺"ぐるなび " 訂好位, 所以
去到唔洗等已經有位坐啦!!
嚟呢道食係因為要滿足小廚師要大顯身手嘅要求!!
全程由廚師攪掂, 我負責食同飲!! 哈哈!!
最後再加個黑毛和牛鉄板燒, 飽晒!!
埋單返酒店, 當然唔會放過對面間超級市場啦!! (sir爸揀住二条
呢間酒店, 除咗鍾意佢啱啱新開冇耐, 仲有係呢道有間超市喺
正附近啦!)(圖片又係由Google大神提供!!)
揀咗以下呢隻辻利抹茶雪糕, 再加下午買嘅朱古力旦糕做宵夜!
肥死人啦!! 哈哈!!
本日完!!
沒有留言:
張貼留言