一覺醒來, 又係時間食返個簡單嘅自助早餐啦!!
食飽準備離開酒店, 見呢幾日未影吓架車, 影返幾張做吓紀錄先
其實呢種車乘載量真係冇得頂, 坐10個人唔洗移坐位,裝7個喼
可以平放仲有大把位!! 勁!!(不過揾停車場就比較麻煩, 因為車
高差唔多2.3M, 好多室內停車場都入唔到, 所以訂酒店時都要
考慮埋泊車問題!!)
今日第一站景點, 先去"日牟禮八幡宮 "
呢個八幡宫並唔係總本社, 但都有千幾年歷史, 仲有就係佢所
在嘅呢個地方---近江八幡!! 相傳日本由室町時代起, 有商人營
商開始, 全日本最出名嘅三大地區商人, 包括有:大阪, 伊勢及
近江!! 其中近江商人又以提倡嘅營商理念 : "賣家好, 買家好,
世間好" 而聞名!!
現存至今, 日本有名嘅大財團 : 伊藤忠商事, TOYOTA, 高島屋,
住友及日本生命等等, 佢地嘅創始人都係近江商人嘅後代!!
而呢間就係所有近江商人都必定會嚟參拜八幡宮!! 咁我地呢Ｄ
八掛嘅香港人, 當然唔會錯過嚟呢道參拜一下, 買返個御守祈求
一下行返個金運啦!!
由酒店揸車嚟, 唔使十分鐘就到!!
由鳥居行入嚟, 會先經過一條小橋, 橋下有條水道, 兩旁景色真
係幾靚!!
其實近江八幡市喺舊時係好出名嘅水鄉, 佢哋建設水道引入
琵琶湖嘅水, 方便運送貨物!! 而水道兩旁及週邊地方又種滿
櫻花樹, 所以每年花期呢道都非常多"土人"嚟賞花, 但係非花
期時, 呢道真係非常冷清, 遊客都非常小!!
未完!!
待續!!
沒有留言:
張貼留言