今朝一早起身一定要食個飽飽嘅早餐先 , 因為今日要去
紀伊半島嘅三分一地方 , 上山下海食買玩!!
之前睇梅花睇上癮 , 覺得實在太吸引喇 , 所以今次有機會
再嚟到和歌山縣 : 一個出產梅最出名嘅地方 , 冇理由會放
過去睇梅花嘅機會㗎!!😁😁
食飽早餐出發 , 先去和歌山縣....呀!! 唔係 , 應該係全日本
最大嘅梅林 --- "南部梅林" 出發 !! 呢一個位於和歌山縣南部市
嘅梅林 , 被日本觀光網站評定為全日本擁有最多梅花樹嘅地方,
全個梅林分開上中下三部分 , 總共有超過八萬棵梅花樹 , 出產
和歌山縣最出名嘅 "南高梅"同埋 "古城梅"
所以呢度又稱為: 日本一の梅の里 !!
美譽 “一目百萬棵、梅香傳十里”
由和歌山市揸車差唔多一個鐘頭 , 就嚟到南部梅林停車場喇 ,
泊好車就見到停車場附近已經係全部梅花樹!!
不過我哋嚟嘅時間可能實在太早啦(以日子計) , 因為呢個
梅林每年都係一月尾至二月頭開始開放 , 我哋係啱啱開始
開園第二日就嚟啦 , 所以佢啲梅花基本上係仲未開嘅!!😟😟
有丁點兒失望添!!😖😖
唔緊要啦一場嚟到 , 當係行下山做下運動囉!!
先嚟到山腳下面呢一個入口!!
一路沿住斜路向山上梅林進發 , 其實沿路都有好多小攤檔
賣好多佢哋當地嘅農作物 , 不過有部份係未開檔同埋有一
部分係冇人睇檔 , 你自己睇啱擺低錢就可以攞走㗎喇!! 所
以條路比較冷清!!
未完!!
待續!!
沒有留言:
張貼留言