旅程最後嘅一日 , 都係食個早餐先!!
忽然有個想法 , 不如將咁多日嘅早餐集合為一張早餐圖都好喎
十個人 , 八個喼 !! 仲有好多一袋二袋 , 十人車載貨能力
真係非常非常高!!
向關西機場出發 , 經過泉南市 , 最後衝刺去AEON MALL
兜個冷 , 順便買埋青木松風庵!!
始終青木松風庵都係每次嚟大阪必定要買嘅手信 , 因為
實在太好食!!
經過空港連絡橋 要去還車結束我哋今次嘅旅程啦!!
今次呢個旅行Blog , 真係有史以來寫得最慢 , 原因實在
太多不能盡錄 , 不過點樣耐都好 , 今次嘅旅程我一定要
寫曬佢 !! 因為呢一次喺我哋一家人最齊整嘅最後一次旅程!!
因為我嘅岳母 , 喺完成今次旅程半年之後 , 佢嘅舊病又復發 ,
我哋安排咗畀佢2018年嘅旅程 , 都不能夠成行!!
而今次嘅病情復發 , 纏繞咗佢將近一年半時間 !!
終於喺今年嘅2月..........佢離開咗我哋!!
岳母大人我哋全家人永遠掛念你
全行程......... 完!!
沒有留言:
張貼留言