今朝早又去廣藏市場食早餐 ,因為今日終於要出手
買手信 , 仲有醬油蟹打包返澳門!!
唔係我買㗎 , 我到而家都唔夠膽食醬油蟹!!
硬係覺得啲蟹係生嘅 , 我驚會有好多蟲 !!
阿sir就最開心 ,食早餐飲一支益力多 , 我哋去買手信嘅
時候 ,手信店老闆見佢揸住一支問佢係咪鍾意飲 , 送多
兩支畀佢飲 , 一條人仔 , 一個早餐時間飲三支益力多 ,
真係唔慌唔多啦!!
醬油蟹買完要先返咗酒店擺咗落雪櫃先 , 之後嘅行程
又係去睇櫻花 , 今次我哋去汝矣島睇櫻花 , 可能又過多
咗兩日 , 呢邊嘅櫻花開得仲靚!!
行得太攰 , 晏咗嘅午餐見到乜就食乜 , 居然搵到間勝博殿
咁就去食個吉列豬扒飯先啦 !!
唔知係咪喺韓國嘅關係 , 佢啲豬都係用韓國豬呢 ??
個豬吉列豬扒好似特別好味嘅??
臨近黃昏 , 又走返去明洞 , 因為琴日配咗眼鏡要去攞返
個新眼鏡 , D女士們去攞眼鏡時 , 借啲意去shopping !!
阿sir話想去多次Line睇公仔 , 唯有我頂硬上帶佢行多次!!
今晚嘅晚餐隨便搵咗一間餐廳去食韓燒加人蔘雞 !!
可能真係隨便得滯 , 味道麻麻地!!
體力唔多夠嘅我 , 同嗰班有用唔盡精力嘅女士比較!!
我真係完全散晒 , 佢哋又話要去行街 , 我話我都係返
酒店瞓下先 , 所以我今日嘅任務完成咗啦!!
本日完!!
沒有留言:
張貼留言