九州の旅自駕遊---第二天

2010年2月14曰:
七點幾鐘起咗身,次次嚟日本都好似唔洗訓咁,自己梳洗完再叫醒老婆同阿女,連早
餐都冇食就去Toyota攞車,原本諗住要影吓攞車時嘅情况,點知一去到攞車,恩豬就
要媽咪同佢去廁所(開大呀!!),所以都係自己辨手續,全個攞車手續加小姐教用
個GPS,都唔洗十五分鐘,好正式向門司港出發!!

(張相喺去到門司港先影嘅!!)
因為未食早餐,所以喺行IC途中入"古賀SA"食嘢先!!
唔知係咪禽晚夜訓加早起身,呀恩豬未到SA已經訓咗啦!唯有自己走入SA買嘢出
嚟同老婆喺車裏面開餐先!!

嘩!!間SA又有賣手信,加美食廣場,麵包店,便利店,小食店及露天墨魚波加炒麵,生
果檔!!!真喺有排你睇!!

食完嘢,直奔門司港,到達已經十一點幾,泊好車行去碼頭搭船仔去下關唐戶市場
食壽司

未出發前上網睇過及問過網上D師兄話唐戶市場樓下批發會休息,淨係樓上食嘢嘅
鋪頭會開,是但啦,叫做到此一遊(其實老婆大人想食壽司)所以去行吓啦!!
船程大概五至十分鐘,落船嘅時候,咦唔對路............點解咁多人向唐戶市場行嘅???
唔理啦!!都係一齊行啦!!  嘩!!點解唐戶市場樓下燈光火著,人山人海,又話休息嘅??
完來係"土,日,祝朝市樂市"成個樓下變咗買魚生,壽司,刺身,炸物及海鮮丼,發達啦!!

食過不亦樂乎,不過D壽司要逐件計,一件大拖羅要500円,不過真係好食到冇朋友!!
有D食咗冇影相,因為即買即食!!不過都有影幾張嘅!!

嗰碟白色透明嘅係雞泡魚刺身,盛惠1000円,隔籬嗰碗係雞泡魚湯泡飯500円!!

呢碗海胆飯,完全冇腥味,非常新鮮美味,不過唔記得1000定1200円,買完呀大嬸仲
送咗罐綠茶比我添!!

食完嘢,行多一陣乾貨市場差唔多兩點搭船返門司港再行吓街!!

其實門司港睇睇吓有D似北海道嘅小樽市!!
之後再到呢個指定地方影返張相先!!!

再行到門司站影吓相!!

嘩!!唔覺唔覺差唔多四點鐘,仲要到今晚嘅住宿地方-----別府!!
喳喳淋即刻上車走,噤呀GPS揾路!!嘩!!行有料道路都要六點幾先到(約咗酒店六
點check in)大煲啦!!第一日自駕就要飛車??不過呀老婆大人話遲小小唔通唔比
你住咩!!算啦都係安全至上,慢慢嚟啦!!
一開車恩豬又午睡,都好,唔係今晚唔駛去食飯(因為佢一眼訓就"扭計"),行行吓五點
都未夠開始天黑,唔係呀第一日已經要黑夜飛車!!
完來黑夜揸車一D都唔好玩,後面冇車時,你望塊倒後鏡係完全黑晒,望前面淨係你自
己嘅車頭燈照前路D反光牌仔先知自己要轉左定右!!
卒之差唔多七點半先到今晚加聽晚嘅酒店ホテルエール,落住毛毛雨泊好車再攞埋
房即刻去酒店前面嘅百貨公司youme行街加食飯!!

食完飯,恩豬見到百貨公司架手推車,好似蜜蜂見到蜜糖一樣,一坐唔肯走!!

喺百貨公司超市部買咗D零食,返酒店攪攪豬囉!!(間百貨公司又幾好喎收22:00,
好多鋪頭20:00就收鋪啦!!