起身浸温泉到食早餐都係呢個情景,落住雪浸真係爽呀!!
今朝早餐恩豬食"洋式" ,大人就食"和式" ,忽然想食吓餐旦麵,凍奶茶呀!!哈哈!!
食完早餐爭取時間再去浸多次温泉!!
拜拜温泉旅館,出發恩恩豬重點節目……摘士多啤梨呀!!
到咗士多啤梨園果実の国 呀!!
入到去,呀園主叔叔用簡單英語介紹,大人1200円,恩豬4歲盛惠400円任食40分鐘!!
開始食啦!!真係又甜又多汁,好好味呀!!我同老婆每人食咗三四十粒,頂唔順啦!!
食唔落!!
睇見恩豬摘得好開心,其實呢2800円都抵嘅(因為去超市買一盒都係399円咋!!)
呀園主叔叔同我地影咗張相,仲放咗喺佢果園嘅網頁呀!!園主留言網
之後我哋仲食咗兩份自家制蘋果批,園主叔叔請咗我哋飲蘋果汁,好好味呀!!
同香港D蘋果汁完全唔同!!
我哋仲買咗佢D自制果Jam返香港,(枱面嗰兩樽)果Jam裏面有粒粒士多啤梨肉,
連我阿媽都話好好食喎!!
食完嘢同士多啤梨園拜拜,再去恩豬重點節目第二……阿笨阿占動物園!!
完來笨占有英文名架……Pan & james
去之前上網己經知道阿笨同爸爸宮沢先生今日放假,淨返阿占一個人,不過
行程編排唔到(唔想走回頭路嘛)所以照去睇啦!!
呢個動物園除咗笨占之外,仲可以餵熊人,豬仔賽跑,小型企鵝show睇,不過都係好少人去!!
睇完阿占,恩豬唔敢同阿占影相,唯有就咁影咗就算啦!!
走啦!!出去門口好多網友推介嘅……九州すし市場食迴轉壽司!! 註1
全店大部份都係105円一碟!!(海胆,拖羅,炸物嗰D另計)
食咗20碟,嘩好飽呀!!埋單二千幾円都ok嘅(其實唔係太好味,一般好味啦,不過同
香港D迴轉比!!呢道好食D!!)
食完起程返熊本市啦,過咗幾日鄉下生活,終於要返城市啦!!
今晚住東橫INN 熊本水道町電停前 第一次用日本升降機嘅停車場,要東橫
嘅小姐出嚟幫手添!!(D相係第二朝攞車補影嘅!!)
放好行李,去上,下通行街街啦!!
今晚晚餐食咗呢間嘅鉄板牛定食,唔錯!!白飯任添唔洗錢!!
我同老婆都食同樣嘅,不過我嘅係1.5倍牛份量,多謝980円,老婆嘅780円!!
恩豬終於試咗咁大個女第一次嘅架哩飯兒童餐!!好好味咁喎!!
食完行多一陣,D鋪頭閂門啦!!(日本行街D鋪頭真係閂得早,香港D十一二點仲開門)
返酒店揾周公玩算啦!!
註1:其實九州周圍都有好多105円一碟嘅迴轉壽司,如果唔係去開笨占,唔駛特
登走嚟呢道食!!!
沒有留言:
張貼留言