嚟咗咁多次日本,第一次食東橫嘅早餐,咦!!又話淨得飯團嘅,點解咁多嘢食嘅??
食飽飽去睇嘢囉………熊本城
喺呢門口入(由酒店嚟最近呢個入口)
其實我哋淨係行咗熊本城主要部份,都已經玩咗兩粒鐘,我諗行晒要半日啦!!
恩豬都要跳吓嚟影相!!幾有型!!哈哈哈!!
玩完走啦!!去烏柚食個靚午餐先!!
可能揸咗六日車,呢日風和日麗,我平均都揸120km/h,最快140km/h添,爽呀!!
到咗啦!!季樂嘅佐賀牛呀!!季楽鳥栖店
食咗呢個"佐賀產和牛盛合せ!!
佐賀牛,果然名不虛傳!!好味!!
之後去咗呢間 Tosu Premium Outlets 行街!!
行完outlet,要返福岡還車囉!! Bye bye 啦SIENTA!!下次再見!!
還車前要入滿油先,終於都要試吓"自助入油"啦!!
返酒店 博多都ホテル 放好行李,再出發食晚餐!!
到啦!!就係呢道啦!!一蘭拉面Canalcity店!!一蘭
又真係幾好味喎!!
連呀恩豬都食到"咮咮"聲!!
食完嘢,週圍行吓,唉!!D鋪頭又閂門啦!!又要返酒店同周公再玩過!!
自助入油難唔難ga? [版主回覆03/07/2010 21:16:00]其實唔難架,同香港油站一樣,部機都係三枝油槍(油渣,平電油,貴電油)你冇理由入貴架!! 咁你入錢入部機,選平電油,入油,找錢(如你入張10,000円入機,你入咗3,000円油,佢咪找7,000円比你囉)走得!!!
回覆刪除一蘭令我念念不忘！ 神婆祖祖 [版主回覆03/07/2010 21:20:00]你好呀!!我出發前都有去睇你個blog架,仲乜唔寫埋落去呀? 一蘭真係幾好味!!不過我早知唔要辣啦!!辣得滯飲唔晒D湯!!
回覆刪除又係我,好彩你影一蘭拉麵時無打噴嚏,否則,兩件燒吹去對面,所以要落簾就係咁解,我第ニ日去天神地下街,近三越入口,有間「秀」拉麵,又平,又正,又夠熱,燒又厚,下次去試下. [版主回覆03/18/2010 19:02:00]睇完你講,諗諗吓又真係好薄!! 不過你就好啦九州環島遊!! 我只係去咗三個縣咋!!所以九州我一定會再嚟架!!
回覆刪除我是同你一樣,九州是值得去多次,2012年啦,2011年我計劃由大阪入,去和歌山,京,名古屋回港,十天行. 每年回港後,有空上網找資料,日日看下,好快又一年啦. [版主回覆03/19/2010 17:21:00]靜靜雞話你知,2011年我都計劃緊去東北呀!!不過呀老婆大人 未放行,唔知去唔去得成!!
回覆刪除