可能訓唔慣地下,天未光五點未夠就起咗身啦,老婆同阿女仲訓緊,冇嘢做就梗
係………浸温泉啦!!
八點鐘準時食温泉早餐啦,好豐富呀!!
下面嗰份係呀女嘅早餐!!
呢份係我嘅早餐!!
叫得做温泉早餐,當然唔少得有温泉蛋啦!!
食完嘢,出發湯布院散策(行街街呀!!)
喺御果子司買咗豆腐饅頭,OK啦!!
喺長壽畑買咗豆腐雪糕,食嗰個當然係恩豬啦!!
最後梗係湯布院名物………B-SPEAK嘅旦糕啦!!又真係幾好食喎!!
之後去埋金鱗湖,真係有D霧喺水面喎,幾靚吓!!
行完街,出發去第二個景點……九重夢大吊橋
點知去到,恩豬訓咗唔肯起身,唯有影吓門口同條橋,叫做到此一遊啦!!
再出發去阿蘇啦,途中經過九重山!!
一路向九重山行,咦!!落雪呀,D樹仲結咗冰添呀!!好靚喎!!
到咗阿蘇啦,時間都唔早,經過超市買D嘢直去今晚另一温泉旅館ホテル夢しずく
去到旅館,門口有一塊大牌,寫咗入住旅客嘅大名,以示歡迎!!
但係點解得我一個名嘅??唔通……我包咗成間旅館呀!!!
有個識少少英文嘅服務員幫我哋手,入到房放好行李約埋今晚食飯時間
又去浸温泉啦!!
訂呢間旅館最主要比佢兩個公眾露天温泉吸引住!!入到去又真係幾好喎(因為變
咗私人包場呀!!)
呢兩個就係露天温泉,不過太凍冇周圍影啦(因為唔可以著衫入去嘛!!冇著衫
凍死我啦!!)
呢個係房間私人風呂!!
請繼續欣賞下篇,謝謝!!
沒有留言:
張貼留言