今朝早第一個景點並唔係禽日未行完嘅八地獄!! 而係恩恩豬另一重點之旅
大分水族館
其實呢道幾好玩,海獅表演幾攪笑(不過唔知阿女主持講乜!!)表演完仲可以同
海獅握手影相(係呀!!海獅真係識握手架,不過掛住影video唔記得影相)
仲有海豚表演!!阿女睇得超興奮,因為會濕身呀嘛!!睇上面幅相我要揸住透明
膠就知啦!!
仲有個兩層高室內大魚缸,好多魚睇呀!!
睇完水族館,開車去未行完嘅八地獄,一上車就落雨,唔係嘛!!已經唔係咁吸引,
仲要落住雨添,我淨係想影吓相啫!!
喺唔記得咩地獄買咗D温泉蛋,唔知係味温泉水問題,D蛋啡色架!!
其實八地獄係分兩部份(六個一組,另外兩個要揸十分鐘車先到!!)
行完六個地獄,老婆大人話另外兩個唔好去啦,早D去湯布院啦(其實仲諗
住去九州自然動物園)不過落住雨所以決定取消!!直去湯布院!!
途中經過呢個展望台!!
呢幅就係湯布院全境啦!!影嘅時候仲落住少少雪架!!
因為時候都唔早,所以直接去今晚嘅温泉旅館.......ぽっぽ庵
跟GPS小姐指示,差唔多到嘅時候,佢叫我轉落右手面嘅一條好斜又好窄嘅路!!
(其實同大帽山川龍差唔多,都係向下斜行,不過再斜D同窄D啫!!)
落到去經過一D農田同民居,轉個靚灣.........見到啦!!
其實呢間旅館坐落於民居及農田之間,房間窗口望出去仲可以見到有小型
JR經過(得一兩卡嗰D,同埋好耐先一班車),幾好feel呀!!
上面張係房間私人半露天風呂,下面張係公眾露天風呂(其實呢個公眾露天
風呂,佢有個牌比你放門口"入浴中",然後鎖住門咪又係私人露天風呂!!)
呢兩張係房門口嘅走廊嚟,係通往母屋食嘢架!!我見幾靚咪影返張先囉!!
開始食晚餐啦,D嘢食一路食一路上,好似食極都食唔完咁,好味呀!!
呢個係恩豬嘅兒童餐,粉紅色嗰碗係"茶碗蒸"幾好味!!(因為阿女唔食,我幫手
食埋!!幾偉大呀......哈哈哈!!!
上面嘅刺身好鮮味,下面嗰條叫"山女魚",又幾好味喎!!
終於嚟到今晚嘅主角...............炭火燒豐後和牛!!好味到我添咗兩碗飯!!
食飽飽,之後返房休息吓,浸吓温泉............攪攪豬囉!!!
PS.呢日嘅網誌,其實禽日己經打好兩次(今次係第三次)都唔知係yahoo個BLOG
有事定我樣衰,up嚟up去都upload唔到!!激死人啦!!
沒有留言:
張貼留言