日本東北樹冰の發見自駕樂悠遊!!----第六天part two(回憶美麗的東北)

食飽早餐影完相,我地又出發去今日嘅目的地......

氣仙沼市啦!!

咦!!點解影相嘅位係乘客位嘅??

係呀!!今日嘅司機大佬改為"七姨公"所以我今日可以週圍影啦!!

唔知係咪"阿G小姐"(車內GPS系統)愛上咗我呀!!今日唔係我揸

車就開始"玩嘢"啦!!成日揾唔到路,個地圖成日跳吓跳吓唔知跳

咗去邊??明明喺條路行,阿G小姐就話我地係田裡面??行行吓又

去咗海中心?? 你想點呀.....大姐!!唯有我做領航員,睇路牌行啦!!

無驚無險,終於都嚟到"氣仙沼市啦"!!

各位團友話好多日冇Shopping啦!!見到有間"JUSCO"嗱嗱聲泊

好車入去行街加午飯啦!!

肚仔有D餓,都係食咗嘢先慢慢行!!今日食拉麵,

以下係阿sir嘅兒童餐!!

跟住係sir爸嘅"大盛义燒拉麵加餃子"

跟住係sir媽嘅"並盛义燒拉麵" (食咗D先記得影相!!)

當然唔少得嘅係sir爸至愛 0%酒精嘅啤酒啦!!

食完週圍行吓,發現就到日本嘅"女兒節"!!多咗好多女兒節嘅公

仔擺設賣!!(日本人屋企如果有未成年嘅女兒,都會擺一套喺屋

企架)

其實又真係幾靚嘅,不過呢D已經係普通貨色啦!!(都要成一萬蚊

港紙)我之前見過有D仲貴呀!!點買得落手呀??



part two完!!



待續............