日本東北樹冰の發見自駕樂悠遊!!----第六天part three(回憶美麗的東北)

Shopping完終於都嚟到酒店啦(一個小小嘅JUSCO,居然買咗差

唔多三個幾鐘,五大一小可以買咗五大袋嘢走!!勁呀!!)

我地入到房間,嘩!!係呀,今晚我地住呢間酒店嘅VIP房呀!!淨喺

個廳已經有180度全個氣仙沼漁港view!!

休息一吓,浸個溫泉又去食晚飯啦!!呢張係今晚嘅餐單:

先嚟呀sir嘅兒童餐,又係呢幾味悶唔悶D呀??

之後係大人嘅前菜:

呢兩片係唔知乜嘢嘅心臟刺身,我覺得幾好味,但係sir媽及sir嫲

就話咪攪!!sir爸一聲唔該攪掂晒!!好味!!

再嚟超mini魚生飯!! (大碗D得唔得呀?)

好啦!!終於入正題啦.....什錦魚生拼盤!!

鍋物 + 稻庭烏冬(烏冬唔記得影相呀!!)

嘩!!陶板燒鮑魚(每人一隻呀!)

連呀sir都話:點解我個餐冇嘅??我要呢一隻!!

熟咗啦!!食啦..........好好味呀!!

每人一份氣仙沼特產....."魚翅"(我地平時喺香港好小食架!!不過

一場嚟到咪試吓囉!!)(真係好大梳翅呀!!差不多有燒鮑魚塊陶板

咁大呀!!佢D湯汁完全唔似我地食慣嘅味道,不過都好味架)

呢個係"前沢牛"

再嚟呢個係"南瓜饅頭"!!但係點睇都唔似饅頭嘅??

飯後甜品

食完呢餐,嘩!飽到冇朋友,點知sir媽話今日買嘢買唔夠,叫我聽日

揾多間JUSCO再行過!!大人開聲,點敢Say No吖!!馬上返房上網

揾資料!!明日準備再"出血"..........

是日完........Day Seven見!!

待續.....