日本東北樹冰の發見自駕樂悠遊!!----第七天(回憶美麗的東北)

2011年2月8日

今日一早又試起早D影吓太平洋嘅日出,天都未光就起咗身,都唔知點解

可以唔洗用鬧鐘都可以咁早(五點幾咋大佬)

嚟啦!!嚟啦!!開始慢慢天光啦!!太陽伯伯我好想見你呀!!

遠距離見到漁市場內開始有人買賣漁獲啦!!

影吓氣仙沼市嘅全景(311之後已經面目全非囉,殘念)

都係影唔到日出嘅全景,係時候去浸一浸再去食早餐啦(今日又係自助式)

食飽出發去石卷市嘅"JUSCO"再出血,石卷市就係漫畫家"石の森章太郎

嘅故鄉,阿sir都同"幪面超人"影吓相!!

喺旅程最唔想發生嘅事終於出現,朝早時sir爸已經覺得"頭重重"嚟到

"JUSCO"sir爸終於頂唔順,頭痛發作,留喺車內休息,團友們入去shopping

加午飯,經過小睡一刻,sir爸好似好小小,有返精神!!於是起程返回仙台,途

中再發現購物點,愛放血嘅團友們又點會放過呀!!

放血完畢,返到仙台東橫inn放低架車出去食晚飯,sir爸又開始唔妥,最後食

咗sir爸最愛嘅"吉列豬扒定食"但係sir爸居然連半份都食唔落!!睇嚟真係

幾嚴重喎!!

食飽返酒店sir媽用探熱針幫sir爸探熱!! 嘩!!39度幾呀!!sir爸發燒呀,

七姨丈即刻攞咗今日買嘅日本感冒退燒藥比sir爸!!連無牌領隊兼導

遊都病咗,咁聽日嘅行程點算呀??



本日完!!


待續..........