2015日本關西の旅自遊自駕行第六天Part One

2015日本關西の旅自遊自駕行第六天Part One


開始今日超辛苦の行!!一早起身執一兩件替換衫,將行李寄存

酒店前檯(今晚改住京都一晚)!!行往車站時經過差不多日日都

見嘅"阿倍野Harukas"先發覺原來我地住得咁近都未入過去

行吓!!(日日都早出晚歸呀)咁要同佢影返張相先!!

坐40分鐘車(JR)左右先到今日第一站"奈良"

今次唔夠時間去埋"春日大社"!!喺車站見到張好靚嘅海報,唯

有影返張相當去咗,呃住自己先啦!!哈哈!!

因為喺搭JR嚟奈良,要由JR奈良駅去"東大寺"比較遠,所以先

喺車站前搭巴士去東大寺!!

搭6個站(N7站)就可以喺東大寺路口落車, 一落車就見到一

班"游民"(鹿仔)行來行去!! Sir媽就行埋去摸吓影吓相啦!!

阿Sir見冇乜嘢,又跟住Sir媽一齊摸吓啦(其實佢比較細膽)

但係班"游民"見冇嘢食就唔係咁so佢兩個!!

Sir媽見狀立即行去買包鹿餅比阿Sir餵鹿仔啦!!

點知餵完第一塊就出事,其他Ｄ"游民"見到阿Sir有餅食,成班

圍住阿Sir搶食,又咬佢件衫又撞佢PatPat,嚇到佢"We嘩鬼

叫走嚟走去"!! 卒之要走入賣手信嘅舖頭避難!!

咁Sir媽唯有倍住佢喺裡面Shopping吓先啦!!我都唔知好嬲定

好笑!!(真係好細膽),餘下嘅東大寺,唯有我自己一個入去睇啦!


未完!!



待續!!