阿Sir及Sir媽去咗手信店避難!!唯有自己一個行入去東大寺參
觀啦!!入東大寺前,要先經過三個門牌("門牌"唔知有冇形容錯
誤??)每一個中間都有一段走廊!!
過晒三個門牌後,會有售票處賣入寺券!!
得我一個人,Sir爸決定留返下次一家人再入過去(哈哈!!有借口
可以嚟多次!!)喺門口影吓全相就算!!
唔講唔知,原來東大寺呢個世界文化遺產,喺全世界最大嘅木造
建築物嚟架!!睇吓Ｄ人同間寺嘅比例就知佢有幾大!!
放低咗Sir媽及阿Sir喺出面咁耐,Sir爸有Ｄ擔心(怕佢兩個又買
好多嘢呀!!哈哈)拿拿淋走出去揾返佢哋,好彩都係買咗一袋手
信啫!!見阿Sir怕咗Ｄ鹿仔,唯有出去搭返巴士去"近鉄奈良駅"
條商店街行吓先啦!!
商店街盡頭左轉,就會見到好出名嘅"中谷堂"
呢間店最出名嘅就係"杵餅"(即係類似草餅)即製即賣!!
好唔好味就見仁見智啦,但出名嘅係老闆嘅製作方法(Google一
下就知)
原本諗住有得睇佢表演,點知買完食完再影完都未見老闆出現!
等落去唔係辦法,唯有去下一個景點先,沿路出返車站,見到麥
當當嗰飽好吸引,好想入去試吓,但係先前嘅草餅食得太滯,都
係下次先試!!
搭車離開前,冇理由唔試埋呢到另一名物"大佛布甸"架!!
買咗3個原味上車慢慢嘆!!
搭近鉄列車向今日第二景點進發.........京都!!
未完!!
待續!!
沒有留言:
張貼留言