唔洗一個鐘車程,就嚟到今日第二目的地"京都"啦!!
睇一睇錶,又係午餐時間啦!!唔洗諗一於去京都駅樓上嘅
"拉面小路" 呢道一共有八間唔同地區代表嘅拉面店!!
原本Sir爸想揀上次去東北時冇食到嘅喜多坊代表"坂內食堂"
但係敵唔過兩位"大人"要求!!要食豚骨湯底嘅博多"一幸舍"
一幸舍嘅炸雞又真係幾好味喎!!
快快食完,Sir媽去樓下百貨店出血, Sir爸自己出動去隔離
"大相機"睇吓有冇收獲先!!
一個鐘放血時間Sir媽零收獲,但Sir爸又揾到心頭好,仲即時上
手影一影戰利品先!!
行出車站前,搭巴士去清水寺!!
落車後沿五条坂斜路一路行上去!!(睇嚟要做多Ｄ運動練吓氣
先,喘晒氣呀!!) 終於嚟到門口啦!!
影影吓相開始落雨,快快手入寺內參觀一吓先啦!!
都未嚟得切影相,Ｄ雨越落越大,再加上寺內裝修,(Sir媽又對寺
廟興趣不大!! )唉.....唯有.........!!
Sir媽話不如出返去行吓Ｄ手信店仲好啦!!
(唉!!又係Shopping,救命呀!!)
大人下命令,我呢Ｄ"二打六"唯有領命啦!!
未完!!
待續!!
沒有留言:
張貼留言