2017年京都滋賀三重和歌山の旅自遊自駕行---Day 2c

2017年京都滋賀三重和歌山の旅自遊自駕行---Day 2c

玩完雪,沿住琵琶湖邊一路前往Sir爸指定要去嘅景點-----

"白鬚神社"

沿途雖然冇落雪, 但係景色都好靚!!

唔洗20分鐘就到目的地啦!! 全個停車場都比雪全封住, Ｄ雪差

唔多到隻腳上下五吋咁高, 車都入唔到, 好彩淨返車場入口小

小位有人剷咗Ｄ雪, 仲可以停到三架車左右啦!!

好鍾意去神社,寺廟參觀嘅Sir爸, 一個箭步就去咗影相同埋

買"御守"啦!!

呢個神社最特別之處, 就係佢嘅大鳥居, 放咗喺全日本最大嘅

湖入面架!!

呢個鳥居同宮島嘅嚴島神社真係有異曲同工之感, 不過呢道唔

會有潮退可以行近鳥居嘅時候!!(除非個湖冇水啦, 不過可能性

唔大)

再行返入神社內週圍再影吓相參觀一下!!

其實未嚟到神社前, 車上面嘅小朋友已經大叫好肚餓呀, 因為

沿路嚟神社, 都冇乜食店可以坐低食, 所以未睇完神社D小朋

友已經話要走!!..........嗚嗚!!

原本安排去食迴轉壽司, 但係太肚餓關係, 所以喺回程見到

"やよい軒 " 二話不說就扭軚轉入去啦!!

又係太肚餓關係, 連叫嘢食都比平時快幾步!! 哈哈!!

終於解決咗好肚餓嘅問題, 食飽再起程返京都啦!!

未完!!

待續!!