2017年京都滋賀三重和歌山の旅自遊自駕行---Day 2d

2017年京都滋賀三重和歌山の旅自遊自駕行---Day 2d

返到嚟京都, 團友們未去過錦市場, 當然要帶佢哋去到此一遊啦

嚟嘅時候已經係四點左右, 不過好多店舖都冇閂門, 咁當然又

去shopping行吓買吓又食吓啦!!

行到SNOOPY茶屋, 因為太多人排隊所以冇食到嘢, 喺商店內

買咗個鬧鐘比阿Sir, 冇喺現場試吓,點知就出事啦, 返到香港

入咗電芯行吓又唔行, 試咗幾舊電都係唔得, 第一次係日本買

咗壞嘅嘢!! 阿Sir非常失望!!

行到錦天滿宮, 轉去藤井大丸去買禮物比阿Sir啦!!

因為出發前,七姨婆比咗封日円大利是阿Sir, 叫佢自已揀生日

禮物, 佢自已喺出發前,已經上網睇啱咗目標(都係Sir爸荼毒佢,

邊有小朋友鍾意買 HEAD PORTER架)

十分好彩, 阿Sir喜歡嘅款式有現貨!! 滿載而歸!!

行過見到呢支雪糕, 團友們又點會放過佢呀!!

大家仲未想食晚餐住, 所以Sir爸車咗大家去五条嘅AEON Mall

行吓先!! (又係google大神借圖一用)

呢間AEON Mall都算幾大架. 週圍行吓又行埋超市買吓生果

最後大家決定喺呢道Food Court解決埋個晚餐!!

食飽飽返酒店, 順便解決埋昨日淨返嘅朱古力蛋糕!! 哈哈!!

本日完!!