連續兩朝,都食咗好豐富嘅早餐!! 真係正!!
真心呢間酒店早餐真係算幾唔錯, 雖然係小型連鎖式酒店(只有
4間分館) 唔信睇吓官網" 介紹 "
食飽飽諗住返上房執埋行李準備Check Out之際, 又撞返昨日
幫我地執房間嘅姨姨, 傾談之下(昨日已知佢喺嚟自台灣) 先
發現原來佢並唔係酒店員工, 佢係酒店合夥人之一, 佢昨日係
咁啱上房揾執房員工, 我哋誤會晒啦(原來係大老闆呀!!) 同佢
再交談一下, 佢都有問我哋對佢酒店有咩意見( 當然冇問題啦
仲食得好飽添呀!) 之後佢仲送咗兩盒佢酒店有賣嘅京菓子比
阿Sir同埋表姐呀!! 多謝晒老闆娘, 盒菓子好好味呀!!
離開酒店後, 先去第一個景點出發, 因為要揸埋架車嚟, 所以
未夠九點已經喺五条坂駐車場泊好車啦(因為今日係星期六,
唔早Ｄ嚟一定冇位泊車!!
由五条坂經松原通上清水寺, 先經過三年坂, 嘩! 一早嚟真係
鬼影都唔多隻!!
沿路商店都係啱啱開門!! 啱晒, 行完清水寺先落返嚟慢慢睇!!
終於又嚟到清水寺啦!!
其實上到嚟寺內, 人已經開始比較多!!
在地8日嘅導遊兼領隊先生( 即係Sir爸啦!!哈哈!!)努力向各人
講解寺內景點!!
早兩年嚟嘅時候, 因為Sir媽話冇興趣比錢入去清水舞台睇吓,
究竟今次仲會唔會入去睇呢?? (因為舞台將會大維修, 有好幾
年時間都唔會再開放啦)
未完!!
待續!!
沒有留言:
張貼留言