午餐揀咗去食炸豬扒, 揾咗呢間 "西陣大江戸 " !!
呢間炸豬扒店,係tabelog食網內, 京都市"とんかつ"排名中, 得
分係全市第5 (其實第1至第5得分差距只有0.06分) 再加上好多
台灣Blog友都大贊, 一於試一試先!!
因為冇訂位, 所以到埗後當然要等位啦!!入門口位都幾靚架!!
好在已經過咗食晏高峰期, 所以等咗十幾分鐘左右有位啦!!
好肚餓呀!! 睇睇食乜先!!
其實除咗豬扒外,好食嘅應該都係豬扒同埋豬扒.......哈哈!!
認真講, 炸豬扒都分唔同部位及分量大細, 咁就因應大家唔
同食量, 分別點唔同嘅套餐啦!!
呢道有別於一般連鎖式炸豬扒店, 白飯及椰菜絲添食係要另外
計錢架!!
豬扒望落去都好吸引, 一咬之下.....!! 嘩!!!.........下柵一百字!
真係好好味呀!! 皮夠鬆脆, 肉有肉汁又夠滑!! 暫時嚟計係我
食過嘅とんかつ最好味嘅一間!!其他團友都一致同意我嘅講
法!!
真係大件事, 以後食唔返咁好味嘅とんかつ點算呀......!!
喺大家仲回味緊美味嘅炸豬扒時候, 望一望個鐘!! 咦!!大鑊!!
予約咗去整"生八橋"制作体驗, 仲有15分鐘就夠鐘啦!!
嗱嗱聲埋單開車走人!!
到底我哋趕唔趕到去呢............
未完!!
待續!!
沒有留言:
張貼留言