車程加上紅綠燈塞一塞終於都嚟到"おたべ手づくり体験道場"
(但係都遲咗10分鐘) 嗱嗱聲交埋學費, 即刻飛奔走上課室先!!
因為遲到, 所以導師馬上叫我地先將米粉加水做成米漿攞去
蒸熟先!! 因為我地一行十個全部係外星人, 呢一節製作全部
都係日本土人家庭參加, 佢哋揾咗一位台灣留學生店員幫我
哋翻譯!! 太好啦, 幾驚聽唔明呀!! 哈哈!!
其實講咗咁耐, 到底生八橋係乜??
咪係以下呢樣囉!!
喺蒸緊嘅時間, 導師帶咗我地去參觀製造工場, 但係成個工場
人影都冇一個!!
原來阿導師話, 每年紅葉及櫻花期前後先係最旺嘅時間, 工場
先會大量生產, 其餘時間只會每日生產小量供應零售店!!
參觀完後, 返去体驗場!! Ｄ米漿蒸好啦, 可以整八橋啦!!
整好皮之後, 再包餡料, 有三種味道(紅豆, 綠茶, 仲有黃色唔記
得係乜味)可選包, 導師會建議我地每種包一個試一試!!
我同Sir媽嘅完成品!!
呢個係阿Sir嘅偉大傑作!! (乜嘢型狀都有......哈哈!!)
以為完成可以走啦, 原來仲有下文㗎!! 導師仲會教大家自製
抹茶㗎!!
整好之後, 真係可以即場 "飲啖茶,食個自己包" 先走!!
臨走前仲會每人送一小盒由佢哋生產嘅生八橋比我地做禮物!!
最後, 當然唔小得去樓下店舖買返小小手信先走啦!!
未完!!
待續!!
沒有留言:
張貼留言