食完午飯慢慢hea吓,都差唔多四點喇,今晚決定早啲去溫泉
旅館浸下溫泉先!! 今晚住喺呢度伊勢志摩鳥羽温泉郷戸田家
呢間旅館我喺jalan由萬五円一個人,等到有discount coupon
再加埋積分減到最後尾,一萬円一個人包一泊兩食, 真係超值!!
雖然係平價plan但係都安排海景房間畀我哋呀!!
原來呢間旅館想當年都好似幾勁喎,日本天皇同皇太子都
嚟過呢度架!!
喺房間安頓好當然要去浸過溫泉先啦,浸完出嚟之後發現到
居然都有呢部機械人喎!! 睇得日劇多嘅人一定知道呢部機械
人,同埋我哋兩個人嘅手勢係乜嘢日劇啦!! 哈哈!!
浸完溫泉當然係開始食晚餐啦今晚嘅晚餐都係自助形式
嘢食都唔太差,仲有原條地魚即場解體,仲有國產和牛無限量
供應!!
不過飯後甜品就比較遜色啦!!
冇所謂啦,咁嘅價錢有咁嘅質數,完全收貨!!
冇所謂啦,咁嘅價錢有咁嘅質數,完全收貨!!
飲飽食醉之後,當然係去hea下,浸下溫泉早啲大教瞓囉!!
本日完!!
沒有留言:
張貼留言