一早天未光就起身 , 喺個窗口度諗住想影下晨光第一劍,
捕咗成個鐘 , 終於皇天不負有心人, 我終於都影到日出嘅相啦!!
捕咗咁耐都肚餓啦 , 落去樓下食個早餐先啦!!
食飽飽當然唔好咁快走住啦 , 呢間酒店有好多個溫泉 , 琴晚
黑浸嘅時候黑媽媽影唔到相呀 , 而家當然要再去浸多次 , 睇
下日頭係咩環境先!!
呢個外湯浸完之後會唔會真係做啲風流嘢先 !! 哈哈哈!!
沿著外湯嘅路一路向山上面走 , 一邊係望住伊勢海灣 ,
另外一邊會有一個貸切嘅風呂!!
貸切風呂有三個唔同嘅外湯 , 我哋揀咗其中一個浸 , 裏面
係三個大水缸!!
浸完貸切風呂 , 再向山頂出發 , 會有兩個大嘅男湯同女湯!!
因為男湯冇人浸 , 所以影番兩張相睇下咩環境先!!
女湯嘅相就欠奉啦 , 因為裏面係有人嘅.......
原來男湯裏面仲有個小型外湯 , 叫做海男小屋 , 裏面有位
叔叔喺度浸緊 , 當然唔方便影相啦!!
叔叔喺度浸緊 , 當然唔方便影相啦!!
表姐浸得太落力 , 浸到兩個面豬登紅卜卜 !!
浸到夠曬皮啦 , 沿路落返去酒店 , 原來路旁有棵樹有差
唔多五百年歷史!! 勁!!
仲有個足湯 , 畀你坐喺度浸下腳 , 欣賞下風景 !!
不過凍冰冰 , 邊有人坐喺度吖!!
酒店嘅溫泉都玩得七七八八 , 係時候要離開啦 !!
因為今日我哋嘅旅程係無敵大移動 , 要揸好長途嘅車呀!!
未完!!
待續!!
沒有留言:
張貼留言