呢度影下 , 嗰度又影下 , 忽然之間有個在地人伯伯走埋嚟
同Sir爸傾計喎!! Sir爸用佢有限嘅幼稚園初級日文 , 居然可
以同阿日本伯伯溝通得如魚得水 , 伯伯知道我哋由香港嚟
佢同佢老婆都覺得好奇怪 , 點解我哋唔係去大阪shopping
而走嚟行山睇花呢?? (因為佢哋電視都有報導 , 一到中國人
新年 , 就會一窩蜂湧到日本shopping!!)最後佢仲搞笑地教
Sir爸用日文講梅花,梅酒!!(其實好想同伯伯講 , 我係識㗎!!)
最後尾我見佢教我講日文 , 我忍唔住教返佢用廣東話講梅花
同梅酒係點講㗎 !! 搞到Sir媽啼笑皆非 , 連日本伯伯個老婆
都掩住嘴喺度笑!!
同日本伯伯じゃあね之後 , 見到梅園中間有間小商店 , 當然
走過去八卦下啦 , 原來都係買啲簡單嘅飲料同埋一啲你唔
會買嘅手信 , 忽然間小商店嘅老闆指住個牌問我哋 , Sir爸就
好奇望下塊牌寫乜嘢啦 !! 喺有限嘅日文知識之下 , Sir爸居然
睇得明!! (有埋相冇理由唔明啩!!哈哈!!)
原來佢呢度有提供採摘日本橘子みかん嘅體驗!!
其實我都唔知究竟佢係柑? 桔? 定係橙呢??
用google神翻譯叫橘子!!😮😮 (明明翻譯係寫中文 , 但係
寫橘子就真係考起我啦!! 哈哈!!) 中文真係水皮 , 唔好話畀
人聽你識中文呀!!😜😜
咁開心又有嘢玩 , 只不過係100 円一個人(但每人只可以摘
一個) 咁當然即刻攞張1000 円出嚟大家一人玩一次啦!!😁😁
跟住老闆沿著山路小徑行到落嚟 , 原來佢個棵樹都好大喎 !!
不過淨係得一棵咋!!😅😅
咁大家一人揸住一支好長嘅剪刀 , 睇啱邊個就123剪一個
落嚟, 阿老闆仲教我哋剪邊一個位置嘅好食啲!! (其實我一
上到車即刻搣咗兩個嚟試 , 兩個都唔甜嘅!!😆😆)
花又睇完, 柑(定係桔呀?)又摘完啦 , 沿路落返去停車場攞車
去第二個目的地啦 , 點知鍾意shopping嘅團友都係按耐不住
又買蜜糖 , 又買果醋!! 連Sir嫲都忍唔住 , 喺個冇人嘅生果檔買
咗兩個超大嘅白蘿蔔返香港!! 😨😨 100円兩個我知道好平!!
但係點樣攞呀咁重??😱😱!!
(返到香港居然冇損冇爛仲可以煮嚟食 !!😜😜)
未完!!
待續!!
沒有留言:
張貼留言