離開梅林, 原本諗住去白濱tore tore市場食中午飯, 開車
未夠十分鐘, 團友們就話見有啲肚餓不如去食咗中午飯先啦,
咁唯有更改行程喺附近食咗午餐先啦, 行程經過見到有丸龜
製麵, 團友們話好喎不如去食烏冬啦, 咁就唯有將就一下去
食下烏冬啦!!
入到嚟原來撞啱今日有特價款式, 啱食嘅又慳返唔少!!
除咗有每月特價, 正常餐單係你先排隊叫咗烏冬, 再揀自己
喜歡嘅炸物, 之後畀錢搵位坐就可以開餐啦!!
食飽飽再去遊覽一下先, 今次目的地去三段壁!!
其實我同Sir媽係十幾年前已經嚟過呢度睇過, 不過其他團
友全部未嚟過呢一個和歌山咁有名嘅景點, 冇理由唔帶佢哋
嚟睇一睇㗎!!😂😂
買好入場券, 就由山崖頂搭升降機落去崖底海邊參觀一下
呢個三段壁洞穴!!
落到嚟底部, 沿著洞穴行牆邊會有好多介紹熊野水軍嘅歷史,
有圖片有實物畀大家參觀!!
洞穴其中一段位置露天, 可以望到太平洋同埋兩邊懸崖峭壁
參觀完畢當然係要影番一張到此一遊啦!!😁😁
搭返電梯上懸崖頂, 再喺四周影吓風景相,團體相!!
購買能力極強嘅團友們, 發現到隔離有手信店, 佢哋當然
唔會錯過啦!! 梅酒都買咗兩,三支!!
未完!!
待續!!
沒有留言:
張貼留言